От недуга пьянства
Святому мученику Вонифатию (память 1 января, принял мученическую кончину в 290 г.)

О многострадальный и всехвальный мучениче Вонифатие! Ко твоему заступлению ныне прибегаем. Молений наших не отвержи, но милостиво услыши нас. Исцели братию и сестры наша (имена), тяжким недугом пиянства одержимыи, и того ради от матере своея Церкви Христовой и вечнаго спасения отпадающия. О, святый мучениче Христов, коснися сердец их данною ти от Бога благодатию, скоро возстави от падений греховных и ко спасительному воздержанию приведи их. Умоли Господа Бога, Егоже ради и страдал еси, да простив нам согрешения наша, не отвратит милости Своея от людей Своих, но да укрепит нас в трезвости и целомудрии, да поможет Своею десницею трезвящимся спасительный обет свой до конца сохранити, да во дни и в нощи о Нем бодрствующе и добрый ответ о Нем воздати на Страшнем судище. Приими, утодниче Божий, молитвы матерей, о чадех своих слезы проливающих; жен честных, о мужех рыдающих; чад сирых и убогих, пияницами оставленных; всех нас, к иконе твоей припадающих, да нриидет сей вопль молитвами твоими ко Престолу Всевышняго. Покрый и соблюди нас от лукаваго ловления и всех козней вражиих. В страшный час исхода нашего помоги прейти непреткновенно воздушныя мытарства, молитвами твоими избави нас вечнаго осуждения, и да покрыет нас милость Божия, в нескончаемые веки веков. Аминь.